कोथरूडमध्ये 'गांधी दर्शन' शिबिराचे आयोजन

 

पुणे: महाराष्ट्र गांधी स्मारक निधी आणि युवक क्रांती दल यांच्या संयुक्त विद्यमाने कोथरूडमध्ये 'गांधी दर्शन' शिबिराचे आयोजन करण्यात आले आहे. हे शिबिर रविवार, ८ जून २०२५ रोजी सकाळी ९:३० ते सायंकाळी ५:३० या वेळेत कोथरूडमधील गांधी भवनच्या सभागृहात होणार आहे.

शिबिरामध्ये विविध विषयांवर नामवंत वक्ते मार्गदर्शन करणार आहेत. ज्येष्ठ विधितज्ञ उल्हास बापट 'न्यायपालिका व कार्यपालिका यांच्यामधील संघर्ष आणि सर्वोच्च न्यायालयाची भूमिका' या विषयावर, मुक्त पत्रकार प्रशांत कदम 'माध्यमांचा उन्माद आणि नवराष्ट्रवाद' या विषयावर, तर दिग्दर्शक मंजुल भारद्वाज 'आस्था, श्रद्धा आणि संविधान' या विषयावर आपले विचार व्यक्त करतील. महाराष्ट्र गांधी स्मारक निधीचे अध्यक्ष डॉ. कुमार सप्तर्षी शिबिराच्या अध्यक्षस्थानी असतील.

आयोजकांनी दिलेल्या माहितीनुसार, हे २१ वे 'गांधी दर्शन' शिबिर आहे.

शिबिरात सहभागी होण्यासाठी नोंदणी आवश्यक असून, त्यासाठी एड. स्वप्नील तोंडे (९९२३५२३२५४), तेजस भालेराव (९१७२४८७०१९) किंवा एड. राजेश तोंडे (९८९०१००८२०) यांच्याशी संपर्क साधता येईल. नोंदणी शुल्क २५० रुपये असून, त्यात शिबिरस्थळी नाश्ता, चहा आणि जेवण यांचा समावेश आहे. स्पर्धा परीक्षांची तयारी करणाऱ्या युवक-युवती आणि महाविद्यालयीन विद्यार्थ्यांसाठी प्रवेश शुल्क ऐच्छिक ठेवण्यात आले आहे.

या शिबिराचा उद्देश समाजाला सकारात्मक दिशा देणाऱ्या महात्मा गांधींच्या विचारांचा प्रसार करणे आहे. शिबिरात गांधीजींच्या सत्य, अहिंसा, सामाजिक बांधिलकी आणि स्वावलंबन यांसारख्या महत्त्वपूर्ण तत्त्वांवर चर्चा होईल. आजच्या काळात गांधीवादी विचारसरणी किती उपयुक्त आहे, यावरही प्रकाश टाकला जाईल.

 --------------------------------------------------------------------------------------------------------------#GandhiDarshan #Seminar #Kothrud #Pune #Maharashtra #MahatmaGandhi #गांधीदर्शन #शिबिर #कोथरूड #पुणे #महाराष्ट्र #महात्मागांधी