पुणे, दि. २४ मे २०२५: वराळे ते तळेगाव या मार्गावर संत तुकाराम सर्कलजवळ एका वेगवान टाटा टियागो कारने मोटारसायकलला धडक दिल्याने एक दाम्पत्य गंभीर जखमी झाले आहे. ही घटना काल रात्री सुमारे पावणे दहाच्या सुमारास घडली. या अपघातामुळे परिसरात काही काळ तणावाचे वातावरण निर्माण झाले होते. याप्रकरणी महाळुंगे एमआयडीसी पोलिस ठाण्यात गुन्हा दाखल करण्यात आला आहे.
पोलिसांनी दिलेल्या माहितीनुसार, मधुकर चिंधू भारती (वय ३९ वर्षे) हे त्यांच्या पत्नी रोहिणी मधुकर भारती यांच्यासोबत त्यांच्या मोटारसायकल क्रमांक एमएच १४ एलएफ ३६०८ वरून वासुलीहून त्यांच्या मूळ गावी वाशेरेकडे जात होते. त्याचवेळी वराळेच्या दिशेने वेगात येत असलेल्या टाटा टियागो कार क्रमांक एमएच १४ केएफ ५७९८ ने त्यांच्या दुचाकीला जोरदार धडक दिली. या अपघातात मधुकर भारती आणि त्यांची पत्नी रोहिणी यांना गंभीर तसेच किरकोळ स्वरूपाच्या दुखापती झाल्या आहेत.
अपघाताची माहिती मिळताच महाळुंगे एमआयडीसी पोलिसांनी घटनास्थळी धाव घेतली आणि जखमींना तातडीने रुग्णालयात दाखल केले. या प्रकरणी पोलिसांनी कारचालकाविरुद्ध भारतीय न्याय संहिता २०२३ च्या कलम २८१, १२५(अ)(ब) आणि मोटार वाहन कायद्याच्या कलम १८४ अंतर्गत निष्काळजीपणे वाहन चालविल्याबद्दल गुन्हा दाखल केला आहे. पोलिस नाईक आटोळे या घटनेचा पुढील तपास करत आहेत.
-----------------------------------------------------------------------------------------------
#PuneAccident #RoadAccident #CarCrash #MotorcycleAccident #CoupleInjured #Talegaon #MahaluangeMIDCPolice #RashDriving #MaharashtraNews
Reviewed by ANN news network
on
५/२५/२०२५ ०७:५८:०० AM
Rating:
कोणत्याही टिप्पण्‍या नाहीत: