१०० कोटी निधी आणि सीसीटीव्ही बंद असल्याचे दावे चुकीचे - पुणे रेल्वे
पुणे - पुणे रेल्वे स्थानकावरील प्रवासी सुरक्षा निधी आणि सीसीटीव्ही कार्यक्षमतेबाबत २८ व २९ मे २०२५ रोजी काही माध्यमांमध्ये प्रसारित झालेल्या चुकीच्या वृत्तांबद्दल पुणे विभाग, मध्य रेल्वेने अधिकृत स्पष्टीकरण दिले आहे.
काही वृत्तांमध्ये असा दावा करण्यात आला होता की १०० कोटींचा निधी २०२३ मध्ये रेल्वे बोर्डाकडून पुणे विभागासाठी मंजूर करण्यात आला होता आणि तो अजूनही न वापरता शिल्लक आहे. रेल्वे विभागाने स्पष्ट केले आहे की हा दावा चुकीचा आहे. हा निधी पुणे विभागासाठी नव्हे तर संपूर्ण मध्य रेल्वे विभागासाठी मंजूर करण्यात आलेला आहे.
हा निधी निर्भया योजनेअंतर्गत मध्य रेल्वेमध्ये सीसीटीव्ही प्रणाली स्थापन करण्यासाठी मंजूर करण्यात आला असून त्याची अंमलबजावणी रेलटेल कॉर्पોरेशनमार्फत केली जात आहे. मात्र पुणे आणि मिरज स्थानके या निधीअंतर्गत समाविष्ट नाहीत.
पुणे स्थानकावरील ५९ सीसीटीव्ही कॅमेरे बंद अवस्थेत असल्याचा दावाही चुकीचा असल्याचे रेल्वे विभागाने सांगितले आहे. सध्या पुणे रेल्वे स्थानकावर आणि परिसरात एकूण ७५ सीसीटीव्ही कॅमेरे कार्यरत आहेत आणि हे सर्व कॅमेरे २४x७ आरपीएफ कंट्रोल रूममार्फत सतत मॉनिटर केले जातात.
पुणे व मिरज स्थानकांसाठी मंजूर करण्यात आलेल्या नव्या योजनेंतर्गत सध्या असलेले ७५ कॅमेरे हटवून १६० अत्याधुनिक STQC (Standardisation Testing and Quality Certification) सीसीटीव्ही कॅमेरे बसवले जाणार आहेत. हे काम अंतिम टप्प्यात असून लवकरच पूर्ण होणार आहे.
#PuneRailway #RailwayClarification #CCTVSecurity #MediaResponse #RailwaySafety #CentralRailway #PuneStation #MediaAccuracy #RailwayNews
कोणत्याही टिप्पण्या नाहीत:
टिप्पणी पोस्ट करा