मोशी येथे अज्ञात वाहनाची दुचाकीला धडक, एक गंभीर जखमी

एमआयडीसी भोसरी: १४ मे २०२५ रोजी सकाळी ६:३० वाजता भारतमाता चौक, पुणे-नाशिक हायवे, मोशी येथे एका अज्ञात वाहनाने दुचाकीला धडक दिल्याची घटना १४ मे २०२५ रोजी सकाळी ६:३० वाजता  घडली.

फिर्यादी हरिश्चंद्र महादु भोर, वय ७० वर्षे, हे त्यांच्या होंडा शाईन दुचाकीवरून घरी जात होते. सिग्नल हिरवा झाल्यावर त्यांनी गाडी पुढे घेतली, त्याचवेळी पाठीमागून आलेल्या अज्ञात वाहनाने त्यांच्या दुचाकीला जोरदार धडक दिली. या अपघातात फिर्यादीच्या पाठीच्या मणक्याला, बरगडीला आणि डाव्या हाताच्या करंगळीला फ्रॅक्चर झाले. तसेच छातीलाही गंभीर दुखापत झाली.

अपघातानंतर अज्ञात वाहनचालक घटनास्थळावरून फरार झाला. पोलिसांनी या प्रकरणी गुन्हा दाखल केला असून अधिक तपास करत आहेत.

--------------------------------------

#Accident #RoadSafety #Hit_Land_Run #Pune #MIDC_Bhosari