पिंपळे सौदागरमधील नागरिकांशी भोईरांचा थेट संवाद

 

विकासासाठी तीन दशकांचा अनुभव - भाऊसाहेब भोईर

पिंपळे सौदागर (प्रतिनिधी): चिंचवड विधानसभा मतदारसंघातील अपक्ष उमेदवार भाऊसाहेब भोईर यांनी पिंपळे सौदागर येथे नागरिकांच्या गाठीभेटी घेत त्यांच्या समस्या जाणून घेतल्या. या भेटीदरम्यान स्थानिक नागरिकांनी भोईर यांना जाहीर पाठिंबा दिला.

"सर्वधर्म समभाव आणि निष्पक्षपाती भूमिकेतून मी नेहमीच राजकारण करत आलो आहे," असे सांगत भोईर यांनी पिंपळे सौदागरच्या विकासाबाबत आपली भूमिका स्पष्ट केली. परप्रांतीय आणि महाराष्ट्राच्या विविध भागांतून आलेल्या नागरिकांची एक मोट बांधून काम करण्याचे त्यांनी आश्वासन दिले.

वाहतूक कोंडी, प्रदूषण आणि नद्यांची अस्वच्छता यांसारख्या समस्यांवर प्राधान्याने लक्ष देण्याचे त्यांनी सांगितले. "केवळ दिखाऊ विकास नव्हे तर प्रत्यक्ष काम करणे गरजेचे आहे. शहरातील भ्रष्टाचार आणि दहशत थांबवणे हे माझे प्रमुख उद्दिष्ट असेल," असे भोईर म्हणाले.

यावेळी कृष्णाजी भिसे, नितिन काटे, संतोष काटे, शहाजी काटे, जगन्नाथ काटे, माऊली काटे, प्रमोद काटे, दिगंबर जगताप, मिलिद काटे, बाळासाहेब काटे, अर्जुन काटे, दिलीप काटे, सचिन झिंजूडे, मच्छिंद्र काटे, उत्तम धनवटे, सिताराम भालेकर, धोंडिबा काटे, संजयू काटे, बाळासाहेब काटे, हेमंत काटे, संतीष हांडे यांच्यासह अनेक नागरिक उपस्थित होते.