भारतीय विद्या भवनमध्ये ५ ऑक्टोबर रोजी 'अंबाभवानी' नृत्य कार्यक्रम

 

भारतीय विद्या भवन,इन्फोसिस फाऊंडेशनच्या सांस्कृतिक प्रसार कार्यक्रमांतर्गत आयोजन

पुणे : भारतीय विद्या भवन आणि इन्फोसिस फाऊंडेशनच्या सांस्कृतिक प्रसार कार्यक्रमांतर्गत 'अंबाभवानी' या नृत्य  कार्यक्रमाचे आयोजन करण्यात आले आहे. ओजस,पुणे  यांच्यावतीने हा कार्यक्रम प्रस्तुत करण्यात येणार आहे. शनिवार,दि. ५ऑक्टोबर २०२४ रोजी सायंकाळी साडेपाच वाजता भारतीय विद्या भवनचे सरदार महादेव बळवंत नातू सभागृह,(सेनापती बापट रस्ता) येथे हा कार्यक्रम होणार आहे.नियती विसाळ (भरतनाट्यम),हृदया हरिदास (मोहिनी अट्टम) आणि मधुरा आफळे (कथक) नृत्य सादर करणार आहेत. ‘भारतीय विद्या भवन’चे मानद सचिव प्रा.नंदकुमार काकिर्डे यांनी पत्रकाद्वारे ही माहिती दिली. हा कार्यक्रम विनामूल्य आहे. भारतीय विद्या भवन आणि इन्फोसिस फाऊंडेशनच्या सांस्कृतिक प्रसार कार्यक्रमांतर्गत सादर होणारा हा २२५ वा कार्यक्रम आहे .