लोककलावंताच्या घराला आमदार अमित गोरखे यांची भेट

 

पुणे :  नुकतेच आमदार म्हणून कार्यभार स्वीकारलेले अमित गोरखे यांनी एका गरीब लोककलावंताच्या घराला भेट दिली.ही अनपेक्षित भेट सर्वांनाच आश्चर्यचकित करणारी ठरली. निगडी ओटा स्कीम झोपडपट्टीतील हलगीवादक नाना कांबळे यांच्या घरी अचानक पोहोचून आमदार गोरखे यांनी त्यांच्या समस्यांची माहिती घेतली आणि कलावंतांसाठी विशेष योजना सुरू करण्याची ग्वाही दिली.

नाना कांबळे यांच्या घरात दाखल झाल्यावर आमदार गोरखे यांनी त्या भागातील परिस्थितीती प्रत्यक्ष पाहिली आणि कांबळे यांच्या समस्यांवर चर्चा केली. "माझ्या गरिबाच्या घरात आमदारांनी येऊन आमच्या कुटुंबासोबत वेळ घालवला, चहा घेतला आणि खोली पावसात गळत असतानाही तिथे बसले," असे कांबळे यांनी भावुक होत सांगितले. "आमच्या  घरात आमदारांनी येणे हे माझ्या समाजातील प्रतिष्ठेला एक मोठे पंख देणारे ठरले आहे," असे ते म्हणाले.

आमदार अमित गोरखे यांनी यावेळी दिलेल्या आश्वासनानुसार, राज्यसरकारच्या वतीने लोककलावंतांसाठी एक विशेष योजना सुरू करण्याची योजना आहे. "आम्ही हे सुनिश्चित करू की कलावंतांच्या कल्याणासाठी एक प्रभावी योजना कार्यान्वित होईल," असे गोरखे यांनी सांगितले.

आमदार गोरखे यांच्या या  भेटीमुळे आणि त्यांच्या संवेदनशीलतेबद्दल नागरिकांमध्ये सकारात्मक चर्चा सुरू झाली आहे.