पन्नास रुपये लाच घेताना अटक

 

ठाणे :महाराष्ट्र गुजराथ सीमेवर असलेल्या नंदूरबार जिल्ह्यातील नवापूर येथील आरटीओच्या सीमा तपासणी नाक्यावर टेम्पोचालकाकडून ५० रुपयांची लाच घेताना एका खासगी व्यक्तीस अ‍ॅन्टीकरप्शन खात्याच्या ठाणे येथील कार्यालयाच्या पथकाने २६ एप्रिल रोजी पकडले.

इरसाल हन्नान पठाण वय ४७ वर्षे, रा. लाखाणी पार्क, नवापूर जि. नंदूरबार असे अटक करण्यात आलेल्याचे नाव आहे. या प्रकरणी एका टेम्पोचालकाने अ‍ॅन्टीकरप्शन खात्याच्या ठाणे कार्यालयाकडे तक्रार दिली आहे.

तक्रारदार त्याचा आयशर टेम्पो घेऊन दि. २६ एप्रिल रोजी रात्री सव्वाआठच्या सुमारास गुजराथमधून महाराष्ट्राच्या हद्दीत प्रवेश करत होता. त्यावेळी आरोपी इरसाल याने आरटीओ सीमातपासणी नाका नवापूर  येथे तक्रारदाराचा टेम्पो सोडण्यासाठी ५० रुपये लाच मागितली. ती स्वीकारत असताना अ‍ॅन्टीकरप्शनच्या पथकाने त्याला 'रंगेहाथ' पकडले.त्याच्याविरोधात नवापूर पोलीसठाण्यात गुन्हा दाखल करण्यात आला आहे.