कार चालवत असताना चालकाला आला अपस्माराचा झटका; १० वाहनांना दिली धडक

 

एक स्कुटरचालक गंभीर जखमी

पुणे : पुण्यातील कॅम्प परिसरात असलेल्या  ईस्ट स्ट्रीट  आणि एमजी रोड यांना जोडणाऱ्या जाफ्रीन लेनमध्ये २६एप्रिल रोजी दुपारी ३ वाजण्याच्या सुमारास एका आलिशान कारच्या चालकाला गाडीचालवतानाच अपस्माराचा झटका आल्याने त्याचे गाडीवरील नियंत्रण सुटले. गाडीने एका स्कुटरसह पार्क केलेल्या १० दुचाकींना  धडक दिली यात स्कुटरचालक गंभीर जखमी झाला. 

रवींद्र धनवटे (३२) असे या कारच्या चालकाचे नाव असून, त्याला अपस्माराचा झटका आल्याने गाडीवरील नियंत्रण सुटले असल्याची माहिती पोलिसांना दिली. लष्कर पोलिस स्टेशनचे वरिष्ठ निरीक्षक राजेंद्र मगर म्हणाले, "आम्ही ड्रायव्हरला ताब्यात घेतले आहे आणि त्याच्या वैद्यकीय स्थितीबाबतच्या दाव्याची वैधता तपासण्यासाठी त्याला ससून जनरल हॉस्पिटलमध्ये नेणार आहोत,आम्ही गाडीच्या मालकाला पोलिस ठाण्यात बोलावले आहे आणि धनवटे यांना अपस्माराचा त्रास असल्याची माहिती ेअसतानाही त्यांना गाडी चालवण्याची परवानगी का देण्यात आली याविषयी त्यांची चौकशी करणार आहोत, आम्ही प्रादेशिक परिवहन कार्यालयाच्या (आरटीओ) तपासणीसाठी कार ताब्यात घेतली आहे आणि वाहतूक कोंडी टाळण्यासाठी जनतेच्या मदतीने खराब झालेली वाहने रस्त्यावरून हलवली आहेत. याव्यतिरिक्त, आम्ही धनवटेंचे ड्रायव्हिंग लायसन्स रद्द करण्यासाठी आरटीओला सूचित करणार आहोत”