सुरक्षासप्ताहानिमित्त विद्यार्थ्यांना शालेयसाहित्य वाटप

 

विठ्ठल ममताबादे

उरण : सुरक्षा सप्ताहानिमित्ताने उरण तालुक्यातील बांधपाडा ग्रामपंचायत हद्दीत असणाऱ्या पीएसए अमेया कंपनीने खोपटे जिल्हा परिषद शाळेतील विद्यार्थ्यांना सामाजिक, पर्यावरण, स्वास्थ सुरक्षेबद्दल माहिती देऊन शाळेसाठी उपयोगी वस्तुंचे वाटप केले.

    या कंपनीच्या माध्यमातून अनेक सामाजिक उपक्रम राबविले जात आहेत.वृक्षलागवड आणि संवर्धन, दुर्बलघटकांतील नागरिकांना कपडे, उपयोगी वस्तूवाटप, आदिवासी शाळेत शालोपयोगी वस्तूंचे वाटप असे विविध कार्य केले जाते. सुरक्षासप्ताहानिमित्ताने खोपटे शाळेतील विद्यार्थ्यांना सुरक्षेविषयी माहिती आणि त्यांना शालेय उपयोगी किटचे वाटप करण्यात आले.आणि त्यांना शैक्षणिक वाटचालीस शुभेच्छाही देण्यात आल्या.

या कार्यक्रम प्रसंगी  कंपनी व्य्वस्थानातर्फे राकेश नायर, पुष्पम कदम,जान्हवी म्हात्रे,परमिंदर सिंग, साहिल नाखवा, बांधपाडा ग्रामपंचायतीच्या  सरपंच  विशाखा ठाकूर, गाव व्यवस्थापनाचे अध्यक्ष कृष्णा ठाकूर, अजित ठाकूर, हेमंत ठाकूर आदी उपस्थित होते. २६ जानेवारीला प्रजासत्ताकदिनाचे औचित्य साधून शाळेला वृक्षलागवडीसाठी  रोपे देण्यात येणार आहेत.शाळा व्यवस्थापन आणि ग्रामस्थ मंडळ खोपटे, यांनी कंपनीच्या कार्याचेकौतुक केले आहे.