नवघर ग्रामपंचायतीतर्फे नागरिकांना कचराकुंडीचे वाटप

 

ग्रामपंचायतीच्या आरओ प्लॅन्टचेही उदघाटन

विठ्ठल ममताबादे

उरण : ग्रामपंचायत नवघर तर्फे कुंडेगाव येथे घरोघरी प्रत्येक कुटुंबाला कचराकुंडीचे वाटप करण्यात आले.तसेच शुध्द पाणी पुरवठा करणेसाठी नवघर येथे आरओ प्लॅन्ट बसविणेत आला.

सरपंच कविता मढवी, उपसरपंच विश्वास  तांडेल,माजी उपसरपंच दिनेश बंडा,सर्व ग्रामपंचायत सदस्य, ग्रामस्थ, ग्रामविकास अधिकारी जे. के. म्हात्रे यांच्या उपस्थितीत हा कार्यक्रम झाला.

नागरिकांचे आरोग्य चांगले राहावे, परिसर स्वच्छ रहावा, रोगराई पसरू नये या अनुषंगाने स्वच्छतेविषयी जनजागृती करत नागरिकांना कचरा जमा करण्यासाठी घरोघरी कचराकुंडीचे वाटप करण्यात आले. तसेच विविध रोगराई व नागरिकांचे आरोग्य लक्षात घेता शुद्ध पिण्याच्या पाण्याचा प्लॅन्टसुद्धा बसविण्यात आला. 

चांगल्या योजनेचे उदघाटन झाल्याने  ग्रामस्थांनी याचे मनापासून स्वागत केले. सर्व ग्रामस्थांनी सरपंच, उपसरपंच, सर्व ग्रामपंचायत सदस्य, ग्रामविकास अधिकारी यांचे आभार मानले आहेत.