नाराज अजित पवार यांना पुण्याचे पालकमंत्रीपद बहाल! ११ जिल्ह्यांच्या पालकमंत्र्यांची सुधारीत यादी जाहीर

 

मुंबई : राज्यातील ११ जिल्ह्यांच्या पालकमंत्र्यांची सुधारीत यादी मुख्यमंत्री एकनाथ शिंदे यांनी आज जाहीर केली आहे. या सुधारित यादीनुसार उपमुख्यमंत्री अजित पवार यांच्याकडे पुणे जिल्ह्याचे पालकमंत्रीपद देण्यात आले आहे. काल मंगळवारी झालेल्या मंत्रिमंडळाच्या बैठकीस अजित पवार अनुपस्थित होते. ते आजारी असल्याचे सांगितले जात होते. मात्र ते नाराज असल्यानेच त्यांनी मंत्रिमंडळ बैठकीला उपस्थित राहणे टाळल्याची राजकीय वर्तुळात चर्चा होती. काल मुख्यमंत्री एकनाथ शिंदे आणि उपमुख्यमंत्री देवेंद्र फ़डणवीस दिल्ली येथे जाऊन आले. त्यानंतर आज  पालकमंत्र्यांची सुधारीत यादी जाहीर करण्यात आली. अजित पवार यांची नाराजी दूर करण्यासाठी त्यांना पुण्याचे पालकमंत्री करण्यात आल्याची चर्चा आहे.

सुधारित ११ जिल्ह्यांच्या पालकमंत्रीपदाची जबाबदारी पुढीलप्रमाणे:

पुणे- अजित पवार

अकोला- राधाकृष्ण विखे- पाटील

सोलापूर- चंद्रकांत दादा पाटील

अमरावती- चंद्रकांत दादा पाटील

भंडारा- विजयकुमार गावित

बुलढाणा- दिलीप वळसे-पाटील

कोल्हापूर- हसन मुश्रीफ

गोंदिया- धर्मरावबाबा आत्राम

बीड- धनंजय मुंडे

परभणी- संजय बनसोडे

नंदूरबार- अनिल भा. पाटील

वर्धा - सुधीर मुनगंटीवार