पिंपरी चिंचवड शहरात गणेशमूर्ती विसर्जनाची चोख व्यवस्था करा : शेखर काटे

 

पिंपरी  : पिंपरी चिंचवड शहरात पुण्याप्रमाणेच मोठ्याप्रमाणात गणेशोत्सव साजरा केला जातो. प्रदूषित नद्या आणि विसर्जनासाठी नदीघाटांवर होणारी भाविकांची गर्दी पाहता जास्त संख्येने विसर्जन हौद उभारणे आवश्यक असून जुन्या हौदांची डागडुझी करणे आवश्यक आहे, महापालिकेने या बाबतीत त्वरेने पावले उचलावीत अशी मागणी पिंपरी चिंचवड शहर युवक राष्ट्रवादी काँग्रेसचे अध्यक्ष शेखर काटे यांनी पालिका आयुक्त शेखर सिंह यांच्याकडे केली आहे.

शहराध्यक्ष अजित गव्हाणे यांच्या मार्गदर्शनाखाली काटे यांनी हा विषयहाती घेतला आहे. याबाबतचे निवेदन आयुक्तांनादिले आहे. यावेळी  शेखर काटे यांच्यासोबत शहर कार्याध्यक्ष प्रसाद कोलते, प्रसन्ना डांगे, तुषार ताम्हाणे, लवकुश यादव, इत्यादीसह अनेक पदाधिकारी, कार्यकर्ते उपस्थित होते.