उद्योजकता विकास काळाची गरज : चेतन वाकलकर

 

भारती विद्यापीठ आयएमईडी तर्फे  'आंत्रप्रुनर्स डे' साजरा 

पुणे : भारती विद्यापीठाच्या इन्स्टिट्यूट ऑफ मॅनेजमेंट अँड आंत्रप्रुनरशिप डेव्हलपमेंट (आयएमईडी) तर्फे १९ ऑगस्ट २०२३ रोजी 'आंत्रप्रुनर्स डे' साजरा करण्यात आला. गुगलच्या पुणे कार्यालयाचे प्रमुख निरंजन पेंढारकर,रेनी एंटरप्रायझेसचे सह संस्थापक चेतन वाकलकर,टेक महिंद्रा मेकर्स लॅबचे प्रमुख श्रीनिवासन नायर ,आयएमईडी चे प्रभारी संचालक डॉ.अजित मोरे,उपप्राचार्य डॉ.आर.व्ही.महाडिक ,आयएमईडी पदवी पूर्व विभागाचे संचालक डॉ.महेश शितोळे यांच्या प्रमुख उपस्थितीत  हा उपक्रम उत्साहात पार पडला. यावेळी पेपर प्रेझेंटेशन स्पर्धा आणि ५ स्टार्ट अप संस्थापकांचे सादरीकरण आयोजित करण्यात आले होते.

'आयएमईडी' च्या आंत्रप्रुनरशिप डेव्हलपमेंट विभागाच्या वतीने दीपक नवलगुंद, डॉ.श्रद्धा वेर्णेकर,डॉ.शाम शुक्ला, डॉ.दिपाली पिसाळ,डॉ.गंधाली खारगे यांनी आयोजन केले. विद्यार्थ्यांना सहभागाची प्रमाणपत्रे देण्यात आली. 

' भारती विद्यापीठाचे संस्थापक डॉ.पतंगराव कदम, कुलपती डॉ.शिवाजीराव कदम, कार्यवाह डॉ .विश्वजीत कदम आणि कुलगुरू डॉ. विवेक सावजी यांच्या  प्रेरणा आणि मार्गदर्शनामुळे आयएमईडी कडून उद्योजकतेला प्रोत्साहन देणारे उपक्रम सातत्याने आयोजित केले जातात.  'आंत्रप्रुनर्स डे' मधून देखील विद्यार्थ्यांना उद्योजकतेची दिशा आणि प्रेरणा मिळेल ',असे उद्गार आयएमईडीचे प्रभारी संचालक डॉ.अजित मोरे यांनी यावेळी बोलताना काढले .चेतन वाकलकर म्हणाले,'उद्योजकता ही काळाची गरज आहे. उद्योजकतेसाठी नवीन संकल्पना, सातत्य आणि मेहनतीचे आवश्यकता असते,त्याकडे विद्यार्थ्यांनी लक्ष केंद्रित करावे'.भारती विद्यापीठाच्या एरंडवणे कॅम्पस येथे हा कार्यक्रम शनिवार दि.१९ ऑगस्ट रोजी झाला.